საქართველოს პრეზიდენტმა გიორგი მარგველაშვილმა ირაკლი ღარიბაშვილის საქართველოს პრემიერ-მინისტრად დანიშვნის შესახებ განკარგულებას ხელი მოაწერა.
გიორგი მარგველაშვილმა ახალ პრემიერსა და მთავრობას ქვეყნის პარლამენტის მიერ გამოცხადებული ნდობა მიულოცა.
"ვულოცავ პრემიერ-მინისტრ ირაკლი ღარიბაშვილს და საქართველოს ახალი მთავრობის თითოეულ წევრს იმ დიდ ნდობას, რაც მათ ქვეყნის პარლამენტმა გამოუცხადა. ვუსურვებ ახალ აღმასრულებელ გუნდს წარმატებებს ქვეყნის წინსვლისა და თითოეული მოქალაქის კეთილდღეობისთვის საქმიანობაში", - აღნიშნულია პრეზიდენტის მილოცვაში.
შეგახსენებთ, რომ საკანონმდებლო ორგანომ პარლამენტმა, 93 ხმით 19-ის წინააღმდეგ, ირაკლი ღარიბაშვილის მინისტრთა კაბინეტს და მის მიერ წარდგენილ სამთავრობო პროგრამას ნდობა გუშინ გამოუცხადა.
