საპარლამენტო უმცირესობის წევრის პეტრე ცისკარიშვილის განცხადებით, მთავრობის სიტყვა და საქმე ერთმანეთისგან განსხვავდება.
,,ამბობთ, რომ გინდათ ძლიერი ოპოზიცია, სინამდვილეში ყველაფერს აკეთებთ იმისთვის, რომ როგორმე ოპოზიცია დაასუსტოთ. დეპუტატებზე არის ზეწოლა, გადაბირების მცდელობა. ამბობთ, რომ გინდათ ქვეყანაში დემოკრატია იყოს, გინდათ დემოკრატიული სახელმწიფო ააშენოთ, მაგრამ განსხვავებულ აზრს ვერ იტანთ. არ შეგიძლიათ განსხვავებული აზრის, კრიტიკის მოსმენა. გინდათ სასამართლოს დამოუკიდებლობა, მაგრამ საქმით ყველაფერი კეთდება იმისთვის, რომ სასამართლო ემსახურებოდეს ,,ქართული ოცნების" პოლიტიკურ ინტერესებს", - განაცხადა ცისკარიშვილმა სესიაზე სიტყვით გამოსვლისას.
