თბილისში სამსუნგის პირველი უმაღლესი სტანდარტების მქონე სერვის ცენტრი - „სერვის პლაზა" იხსნება. ცენტრი ორბელიანის მოედანზე, ფხოვის ქ#2-ში იფუნქციონირებს. მედიის წარმომადგენლებისათვის „სერვის პლაზას" გახსნის ცერემონიალი 20 ნოემბერს, 13:00 საათზე გაიმართება. საზეიმო ვითარებაში ლენტს სამსუნგ ელექტრონიქსის კავკასიის ოფისის დირექტორი სანგ პილ ჩანი (Sang Pil Chun) და სამსუნგის სერვისის სტრატეგიული განვითარების ხემძღვანელი ჩონჰი ჩო (Cheonhee Cho) გაჭრიან.
კომპანიის მენეჯმენტის ინფორმაციით, სერვის ცენტრში მისული მომხმარებელი საუკეთესო მომსახურებას მიიღებს. „სერვის პლაზა" მომხმარებელს მომსახურების გამარტივებულ პროცედურას სთავაზობს, ცენტრში მისულ ადამიანს, მისაღებში სერვის ოპერატორები დახვდებიან და ადგილზევე გაუწევენ კონსულტაციას. პროდუქციის დიაგნოსტიკის შემდეგ პლაზაში მომუშავე ინჟინრები პროდუქციის შეკეთებას ძირითადად 24 საათის განმავლობაში მოახდენენ. მომსახურება მოიცავს „სამსუნგის" როგორც საგარანტიო ისე არასაგარანტიო - ფასიან რემონტს და სამსუნგის ყველა ოფიციალურ ჰოლოგრამიან პროდუქტზე ვრცელდება.
„სერვის პლაზას" მომსახურება ნებისმიერი პროდუქციის და სირთულის რემონტს მოიცავს - იქნება ეს პროგრამული უზრუნველყოფა, თუ კომპონენტური რემონტი. ასევე, მომხმარებელი ნებისმიერი სახის რჩევებს და რეკომენდაციებს მიიღებს. ცენტრში მისულ ადამიანს, აქსესუარების ფართე არჩევანიც დახვდება. „სერვის პლაზა" მომხმარებელს კიდევ ერთ სიახლეს შესთავაზებს - საქართველოში პირველად პროდუქციის შეკეთება სურვილისამებრ, უშუალოდ მომხმარებლის თვალწინ მოხდება." - აცხადებს „სერვის პლაზას" დირექტორი სანდრო ხოჭოლავა.
როგორც კომპანიაში აცხადებენ, „სერვის პლაზაში" მისულ მომხმარებელს, მსოფლიოს უმაღლესი სტანდარტების შესაბამისი მომსახურება და სრული კომფორტი დახვდება - პროფესიონალი სპეციალისტები, მეგობრული პერსონალი, კომფორტული გარემო, საბავშო გასართობი კუთხე და 12 ავტომობილზე გათვლილი საკუთარი პარკინგი.
„სამსუნგის" მენეჯმენტის ცნობით, „სერვის პლაზაში" დასაქმებულმა ინჟინრებმა, სპეციალური გადამზადების კურსი გაიარეს და სამსუნგის მსოფლიო დონის სპეციალისტების კვალიფიკაცია მიიღეს. „სამსუნგ ელექტრონიკსის" წარმომადგენლები საქართველოშიც იმყოფებოდნენ და ინჟინრებისთვის ტრენინგებს ბრენდის თითოეულ პროდუქტზე ატარებდნენ.
„საქართველოში „სამსუნგი" სწრაფად ვითარდება, ცოტა ხნის წინ კომპანიამ თბილისში პირველი ბრენდ მაღაზია გახსნა, იგეგმება ახალი მაღაზიების გახსნა რეგიონებშიც, ახლა სერვის პლაზას ვხსნით და სამომავლოდ, მომხმარებელს ბევრ სიახლეს ვპირდებით. საქართველო მსოფლიოს არც ერთ ქვეყანას არ ჩამორჩება, ყველა უახლესი მოდელი ისეთივე სისწრაფით შემოგვაქვს გაყიდვაში, როგორც სხვა წამყვან ქვეყნებში ხდება. „სერვის პლაზას" გახსნა მომხმარებლის ინტერესიდან გამომდინარე გადავწყვიტეთ, გვინდა რომ ჩვენმა მომხმარებელმა შეიგრძნოს უმაღლესი დონის მომსახურება, ისევე როგორც ეს ხდება „სამსუნგის" სათაო ოფისში - კორეაში. აქ ყველაფერია მომხმარებლის კომფორტისთვის"- აცხადებს „სამსუნგის" მარკეტინგ მენეჯერი საქართველოშ ნატალია იანჩუკი.
რაც შეეხება სამუშაო საათებს, სერვის ცენტრი ყოველდღე - ორშაბათიდან პარასკევის ჩათვლით 10:00 -18:00 საათამდე იმუშავებს, ხოლო შაბათს მომხმარებელს 11:00 - 17:00 საათამდე მოემსახურება. სამსუნგ პლაზას კლიენტებისთვის მუშაობს ცხელი ხაზი - 0 800 555555, რომელზეც განხორციელებული ზარი საქართველოს ნებისმიერი რეგიონიდან უფასოა.
სამომავლოდ სამსუნგი „ სერვის პლაზას" გახსნას ბათუმში გეგმავს.
კომპანია Samsung-ი 1938 წელს შეიქმნა და სადღეისოდ, ელექტროტექნიკის მწარმოებელ უდიდეს კომპანიას წარმოადგენს.
