საქართველოს ექს-პრეზიდენტი მიხეილ სააკაშვილი „The New York Times"-სათვის მიცემულ ინტერვიუში აცხადებს, რომ სირიასთან დაკავშირებით თავისი მუქარის ვერ ასრულებით თეთრი სახლის ადმინისტრაციამ ვლადიმერ პურინს თავისი სისუსტე დაანახა.
„აშშ-ს სირიაში შეზღუდული ოპერაციაც რომ ჩაეტარებინა, პუტინი გარკვეულწილად გარისკავდა. ახლა კი თითქმის ან სრულად დარწმუნებულია, რომ მან რაც არ უნდა გააკეთოს : გადაჭრას ქართული მილსადენი, მოახდინოს თბილისის ოკუპაცია, ჩამოაგდოს აზერბაიჯანის ხელისუფლება - არავინ არაფერს არ გააკეთებს გარდა ხმამაღალი განცხადებებისა და დაგმობისა", _ აცხადებს მიხეილ სააკაშვილი და აშშ-ს მხრიდან რეალური დახმარების არარსებობაზე საუბრობს.
„აი რა გვესმის ჩვენ ჩვენი ვაშინგტონელი მეგობებისგან: „თქვენ კარგი ბიჭები ხართ, მოგვწონხართ, გადასარევად გადახვედით დემოკრატიისკენ, ხელისუფლების მშვიდობიანი გადაბარება ა.შ. მაგრამ, იცით, ჩვენ სხვა საფიქრალი გვაქვს. ჩვენ თქვენს მხარეს ვართ და თქვენს მხარეს ვიქნებით, მაგრამ რა შეგვიძლია რომ გავაკეთოთ?", _ ამბობს მიხეილ სააკაშვილი.
