საქართველოს მომავალი პრემიერ ირაკლი ღარიბაშვილის განცხადებით მთავარობას ამ დრომდე მნიშვნელოვანი შეცდომა არ დაუშვია და მინისტრთა კაბინეტის მთელი შემადგენლობა მზად არის ემსახუროს ქვეყანას.
,, ამ ერთი წლის განმავლობაში მთავრობა ქმედით გუნდად იქცა, რომელმაც კარგად გაართვა თავი დაკისრებულ მოვალეობას. მე ერთი წელი ვიყავი ამ გუნდის წევრი და ისინი მუშაობაში მყავს გამოცდილი. მთავრობის თითოეულმა წევრმა, თითოეულმა მინისტრმა ვიტყოდი, რომ თაადადებით იმუშავა 24-საათიან რეჟიმში და შეიძლება ითქვას, რომ აქამდე მოვიდა მნიშვნელოვანი შეცდომებისა და გადაცდომების გარეშე. როგორც ბიძინა ივანიშვილი ბრძანებს, ეს არის ნამდვილად ევროპული გუნდი. ჩვენმა მინისტრებმა ამ ერთი წლის განმავლობაში დაამტკიცეს, რომ მზად არიან ემსახურონ საკუთარ ხალხსა და ქვეყანას", _განაცხადა ღარიბაშვილმა.
