საგარეო საქმეთა მინისტრის მოადგილემ თამარ ბერუჩაშვილმა ესპანეთის სამეფოს საგანგებო და სრულუფლებიანი ელჩი საქართველოში, კრისტობალ გონსალეს-აიერესი მიიღო. არარეზიდენტი ელჩი თურქეთიდან საქართველოში ინაუგურაციის ცერმონიალზე დასაწრებად ჩამოვიდა.
შეხვედრაზე მხარეებმა ისაუბრეს ორმხრივი თანამშრომლობის მნიშვნელოვან საკითხებზე. საუბარი შეეხო საქართველო-ევროკავშირის ურთიერთობებს და მომავალ ვილნიუსის „აღმოსავლეთ პარტნიორობის" სამიტს. აღინშნა, ესპანეთის სრული მხარდაჭერა ვილნიუსის სამიტისას საქართველოსა და ევროკავშირს შორის ასოციერბის შესახებ ხელშეკრულების პარაფირების საკითხთან მიმართებაში. ასევე საუბარი შეეხო ოკუპირებულ ტერიტორიებზე და მის მიმდებარე სოფლებში არსებულ მძიმე ვითარებას. კრისტობალ გონსალე-აიერესმა კვლავ დაადასტურა საქართველოს ტერიტორიული მთლიანობისა და სუვერენიტეტისადმი ესპანეთის ურყევი მხარდაჭერა. საუბარი ასევე შეეხო საქართველო-რუსეთის ურთიერთობებსაც.
განიხილეს საქართველოს საგარეო საქმეთა მინისტრის დეკემბერში დაგეგმილი ოფიციალური ვიზიტი მადრიდში და საქართველოსა და ესპანეთს შორის ორმხრივი თანამშრომლობის განვითარების შესაძლებლობები. ხაზი გაესვა კულტურის, ტურიზმის, ენგეტიკის და სოფლის მეურნეობის სფეროებში თანამშრომლობის გაღმავების პერსპექტიულობას.