საპარლამენტო უმრავლესობის ლიდერმა დავით საგანელიძემ საქართველოს მეოთხე პრეზიდენტს პირველი სამუშაო დღის დაწყება მიულოცა და მმართველი გუნდის შეხვედრა შეაფასა. როგორც პარტიის ცენტრალურ ოფისში გამართულ პრესკონფერენციაზე საგანელიძემ განამარტა უმრავლესობამ პრემიერ-მინისტრის თანამდებობაზე ირაკლი ღარიბაშვილის კანდიდატურას ერთხმად დაუჭირა მხარი.
მისივე განმარტებით, ახალი პრეზიდენტის ინაუგურაციის შემდეგ ძალაში შევიდა ახალი კონსტიტუციაც.
,, ახალი კონსტიტუცია გულისხმობს იმას, რომ პირველსავე დღეს უმრავლესობამ პრეზიდენტს უნდა წარუდგინოს მომავალი პრემიერ-მინისტრის კანდიდატურა. შესაბამისად ახლა დამთავრდა უმრავლესობის სხდომა და მინდა უმრავლესობის სხდომის შედეგები მოგახსენოთ. სხდომაზე განხილული იქნა ერთი ირაკლი ღარიბაშვილის კანდიდატურა და უმრაველობამ ერთხმად მიიღო გადაწყვეტილება, რომ პრეზიდენტს პრემიერის კანდიდატურად ირაკლი ღარიბაშვილი წარვუდგინოთ", _განაცხადა საგანელიძემ.
საგანელიძის განმარტებით, შესაბამისი დადგენილება წარედგინება პრეზიდენტს, რომელიც მიიღებს გადაწყვეტილებას ირაკლი ღარიბაშვილის პრემიერად დანიშვნის, ან არ დანიშვნის Dშესახებ.
