საქართველოს პარლამენტის თავმჯდომარის თანაშემწის დავით ზურაბიშვილი მიხეილ სააკაშვილის მიმართ გამოძიების დაწყებას არ ელის. ამის შესახებ განცხადება ზურაბიშვილმა "პრაიმტაიმს" პრესკლუბში დღევანდელ პრესკონფერენციაზე გააკეთა.
"რამდენადაც ჩემთვის არის ცნობილი, სააკაშვილზე არ არის საქმე აღძრული და ძიება დღესდღეობით არ მიმდინარეობს. ვისზეც აღძრულია, ისიც კი საკმაოდ ჭიანურდება. უახლოეს ხანში რაიმე ასეთ ნაბიჯებს ნამდვილად არ ველი. მე მიმაჩნია, რომ კონკრეტული ადამიანების მიერ კონკრეტულად ჩადენილ დანაშაულებზე გამოძიება უნდა მიმდინარეობდეს ობიექტურად და პასუხიც უნდა დაიდოს, მიუხედავად იმისა, ვის რა თანამდებობა უკავია. თუმცა, რამდენადაც ვიცი, უახლოეს მომავალში ასეთი რამ არ იგეგმება, არ არის ძიება. ზოგადადაც, არ არის კარგი ქვეყნისთვის, როდესაც მის პრეზიდენტს იჭერენ, - ეს არ ახასიათებს ქვეყანას კარგად", - აცხადებს ზურაბიშვილი.
