,,ნაციონალურ მოძრაობა" მთავრობის არსებული შემადგენლობით დამტკიცებას არ ეთანხმება. როგორც ,პარტიის ოფისში გამართულ პრესკონფერენციაზე ,,ნაციონალური მოძრაობის' წევრმა ზურაბ ჯაფარიძემ განაცხადა მოქმედმა მთავრობამ ვერ მოახერხა ქვეყნის მთავარი პრობლემის გადაჭრა უმუშევრობისა და ეკონომიკური მდგომარეობის გაუმჯობესება.
,,პრემიერ-მინისტრობის კანდიდატი დღეს დაასახელებს მთავრობის ახალ შემადგენლობას. ,,ქართული ოცნების" ლიდერების წინასწარ გაკეთებული განცხადებებიდან, ცხადია, მთავრობის შემადგენლობა დარჩება იგივე, შეიცვლება მხოლოდ შს მინისტრი. მეტიც ,,ქართული ოცნება" აპირებს მთავრობის იმავე შემადგენლობა ამ კვირაში დაჩქარებული წესით დაამტკიცოს. ჩვენ მიგვაჩნია, რომ მთავრობის ამ შემადგენლობამ ბოლო ერთი წლის განმავლობაში ქვეყნის წინაშე მდგარი მთავარი გამოწვევის ეკონომიკური მდგომარეობის გაუარესების, დასაქმების პრობლემასთან მიმართებით, აჩვენა უკიდურესი არაკომპეტენტურობა და უუნარობა. ნაცვლად იმისა, რომ შეესრულებინათ უხვად გაცემული დაპირებები, რომელიც საპარლამენტო არჩევნების წინ გასცეს, სახეზეა ეკონომიკის სტაგნაცია, სახეზეა შემოსავლების მკვეთრი შემცირება, განსაკუთრებით გაჭირვებულ ფენებში, სახეზეა იმპორტის მკვეთრი ვარდნა, დამატებითი ღირებულების ბრუნვის შემცირება, სახეზეა საბიუჯეტო შემოსავლების მკვეთრი ვარდნა. ამ ფონზე ,,ქართული ოცნება" გვთავაზობს, რომ ორ დღეში დაჩქარებული წესით დავამტკიცოთ იგივე მთავარობა ", _განაცხადა ჯაფარიძემ.