ოს სეპარატისტთა ლიდერის ე. წ. რწმუნებული პოსტკონფლიქტური დარეგულირების საკითხებში ბორის ჩოჩიევი აცხადებს, რომ ვიდრე საქართველოს ხელისუფლებაში მიხეილ სააკაშვილია, საქართველოსა და ე. წ. სამხრეთ ოსეთს შორის საზღვრის დემარკაციისა და დელიმიტაციის შესახებ საუბარიც არ ღირს და ამასთან დაკავშირებით ოსურ მხარეს დიდი მოლოდინიც არ აქვს.
თუმცა, ჩოჩიევის თქმით, მას შემდეგ რაც ქართველი ხალხი დაამხობს სააკაშვილის რეჟიმს, კარგი იქნება, თუკი საქართველოს ხელისუფლებაში მოსული ახალი ძალა მიხვდება, რომ უკან დასახევი გზა აღარ არსებობს.
"მას შემდეგ, რაც ქართველი ხალხი დაამხობს ამ რეჟიმს, იმ ძალებისთვის, რომლებიც ხელისუფლების სათავეში უნდა მოვიდნენ, მათთვისვე იქნება უკეთესი, თუკი მიხვდებიან, რომ უკან დასახევი გზა არ არსებობს. თუკი ისინი დაინტერესებული არიან კეთილმეზობლური ურთიერთობების დამყარებაში, მიხვდებიან, რომ აუცილებელია საზღვრის დემარკაციისა და დელიმიტაციის საკითხებზე მუშაობა და რაც მალე მიხვდებიან ამას, მით უკეთესი იქნება მათთვისაც და ჩვენვისაც", _ აცხადებს ჩოჩიევი.
