17 ნოემბბერს, ახლად არჩეული პრეზიდენტის გიორგი მარგველაშვილის ინაუგურაცია გაიმართება.
ღონისძიება თბილისში, პარლამენტის ყოფილი შენობის შიდა ეზოში 13:00 საათზე დაიწყება.
ღონისძიებას 53 ქვეყნის წარმომადგენელი დაესწრება. გიორგი მარგველაშვილის ფიცის დადების ცერემონიალს არ დაესწრება საქართველოს მეორე პრეზიდენტი მიხეილ სააკაშვილი და საპარლამენტო უმცირესობა.
საგარეო საქმეთა მინისტრის მაია ფანჯიკიძის განმარტებით, ინაუგურაციის პროცესი 45 წუთის განმავლობაში გაგრძელდება, რის შემდეგ მარგველაშვილი სიტყვით მიმართავს ინაუგურაციის დამსწრე საზოგადოებას.
13:45 საათზე, კი გმირთა მოედანზე, გიორგი მარგველაშვილი ყვავილებით შეამკობს საქართველოს ერთიანობისთვის დაღუპული გმირების მემორიალს, რის შემდეგ მისი სახელით სასტუმრო "ქორთიარდ მარიოტში" უცხოელი სტუმრებისთვის ლანჩი გაიმართება.
დღის ბოლოს კი რუსთაველის თეატრში გალა-კონცერტი გაიმართება. კონცერტის დასრულების შემდეგ გიორგი მარგველაშვილი, "შერატონ მეტეხი პალასში" მიიღებს ფართო საზოგადოებას.
