„შტატების პოლიტიკა ოკუპირებულ ტერიტორიებთან დაკავშირებით არ შეცვლილა", _განაცხადა აშშ-ის ელჩმა საქართველოში რიჩარდ ნორლანდმა ბოლო დღეებში მისი სახელით გავრცელებული განცხადების განმარტებისას.
მისივე განმარტებით, გავრცელებული განაცხადება კონტექსტიდან იზოლირებულია.
,,განცხადება, რომლის შესახებაც მეკითხებით, ეს არის იზოლირებული განცხადება საათი და ოცწუთიანი დისკუსიიდან. მინდა მოგახსენოთ, რომ შეერთებული ოკუპირებულ ტერიტორიებთან დაკავშირებით არ შეცვლილა. ქართველმა ხალხმა იცის, რომ მე პირადად უშუალო თვითმხილველი ვარ იმ ტანჯვის, რომელიც ქვეყანამ 20 წლის წინ გამოიარა. შეცდომები, რა თქმა უნდა, დაუშვა ყველამ, მაგრამ არაფერი ამართლებს ასობით ათასი ქართველის სახლებიდან გამოძევებასა და საქართველოს სუვერენული ტერიტორიის ოკუპაციას. შერიგების პროცესისას უნდა გათვალისწინებული იქნას ყველა მხარის წუხილი, ამერიკის შეერთებული შტატები კვლავ მტკიცედ დაუჭერს მხარს საქართველოს ტერიტორიულ მთლიანობას", - განაცხადა რიჩარდ ნორლანდმა.
შეგახსენებთ, რომ რამდენიმე დღის წინა გავრცელდა განცხადება, თითქოს ელჩმა განაცხადა, რომ ,,ქართველები აფხაზებს და ოსებს ეპყრობოდნენ დაახლოებით ისე, როგორც მანამდე რუსები - ქართველებს და ამისთვის ბოდიშის მოხდა მოუწევთ".
