ახლად არჩეული პრეზიდენტის გიორგი მარგველაშვილის ინაუგურაციას ნატო-ს გენერალური მდივნის სპეციალურ წარმომადგენელს კავკასიასა და ცენტრალურ აზიაში ჯეიმს აპატურაი დაესწრება.
საქართველოში ვიზიტის ფარგლებში აპატურაი რამდენიმე ოფიციალურ შეხვედრას გამართავს. ერთ-ერთი მათგანი თავდაცვის მინისტრ ირაკლი ალასანიასთან გაიმართება.
აპატურაისა და ალასანიას შეხვედრა თავდაცვის უწყებაში ხვალ, 17 ნოემბერს 10:00 საათზე გაიმართება.
