რუსეთის პრეზიდენტის მრჩეველი რეგიონული ეკონომიკური ინტეგრაციის საკითხებში სერგეი გლაზნევი აცხადებს, რომ ყირგიზეთისა და სომხეთის საბაჟო კავშირთან მიერთების საგზაო რუკები ორი თვის განმავლობაში მომზადდება.
ანალიტიკური ცენტრის „Alte et Certe"-ს ხელმძღვანელი, ცნობილი რუსი პოლიტოლოგი ანდრეი ეპიფანცევი კი სომხეთის საბაჟო კავშირთან მიერთების „საგზაო რუკაზე" საუბრისას, იმ პირობებში, როდესაც სომხეთს საბაჟო კავშირის ქვეყნებთან საერთო საზღვარი არ აქვს ამბობს: „თუ საქართველო დათანხმდება შეღავათიან ტარიფებს სომხეთიდან საბაჟო კავშირის ქვეყნებში სატვირთო გადაზიდვებზე, მოსკოვი აფხაზურ საკითხს გადაწყვეტს".
ის აღნიშნავს, რომ საბაჟო კავშირი არის ერთიანი საბაჟო პოლიტიკის პროდუქტი, რომელიც ერთიან სატარიფო სისტემას გულისხმობს. ის ასევე გულისხმობს ერთიანი მიდგომების ფორმირებას.
მისივე თქმით, ძალიან მნიშვნელოვანია ახლა საქართველოსთან მოლაპარაკებების წარმოება იმისათვის, რომ იყოს განსაკუთრებული საბაჟო და სატრანსპორტო ტარიფები, იმისათვის, რომ ტვირთები სომხეთიდან საბაჟო კავშირის ტერიტორიაზე განსაკუთრებული პირობების ხვდებოდნენ.
ეპიფანცევი მიიჩნევს, რომ შეღავათები აუცილებელია. „საქართველოსთან საჭიროა მოლაპარაკებების წარმოება, რომლებშიც ისეთ ქვეყნებს შეეძლებათ მონაწილეობის მიღება, რომლებსაც საქართველოსთან ნორმალური ურთიერთობები აქვთ, ყაზახეთს, სომხეთს.
რუსულ -ქართული დიალოგისათვის დადებითი ნაბიჯი იყო მიხეილ სააკაშვილის წასვლა პრეზიდენტის თანამდებობიდან, ხოლო თუ დიალოგი განვითარდება ეს დიდ დადებით შედეგამდე მივა.
ამ შემთხვევაში, შესაძლოა ველოდოთ იმას, რომ რუსულ-ქართულ ურთიერთობებში აქტივიძაცია დაიწყება. დაიწყება მოლაპარაკებები აფხაზური რკინიგზის ამოქმედებაზე. მე ვიცი, რომ ამ თემაზე მსჯელობა იქნება. აქამდეც იყო საუბრები საავტომობილო გზაზე და აფხაზურ რკინიგზაზე. თუ საქართველო თანხმობას განაცხადებს, მაშინ მოსკოვი აფხაზეთის საკითხს გადაწყვეტს. ეს საერთო საქმე უნდა იყოს", _ განაცხადა ანდრეი ეპიფანცევმა.