17 ნოემბერს დაგეგმილი პრეზიდენტის ინაუგურაციაზე დასასწრებად აშშ-ის დელეგაციის შემადგენლობა დაზუსტდა. უკვე ცნობილია რომ გიორგი მარგველაშვილის ინაუგურაციას აშშ-დან ექვსკაციანი დელეგაცია დაესწრება და მას აშშ-ის საერთაშორისო განვითარების სააგენტოს (USAID) ადმინისტრატორი რაჯივ შაჰი უხელმძღვანელებს.
აშშ-ის დელეგაციის შემადგენლობაში იქნებიან USAID-ის ადმინისტრატორის თანაშემწე ფეიჯ ალექსანდერი, აშშ-ის სახელმწიფო მდივნის მოადგილე დემოკრატიის, ადამიანის უფლებებისა და შრომის საკითხებში თომას მელია, აშშ-ის სახელმწიფო დეპარტამენტის პროტოკოლის ოფიცერი ასელ რობერტსი და აშშ-ის საერთაშორისო განვითარების სააგენტოს უფროსი მრჩეველი ენდრიუ სვითი.
პრეზიდენტის ინაუგურაციას ასევე დაესწრება საქართველოში აშშ-ის ელჩი საქართველოში რიჩარდ ნორლანდი.