მთავარი პროკურორის პირველ მოადგილეს ლაშა ნაცვლიშვილს და თბილისის პროკურორს მაია მწარიაშვილს თანამდებობები არ დაუტოვებიათ.
როგორც ლაშა ნაცვლიშვილმა "ჯი-ეიჩ-ენთან" საუბრისას აღნიშნა, პროკურატურის მაღალჩინოსნების გადადგომის თაობაზე დეზინფორმაცია ვრცელდება.
"ტყუილია, ძალიან გთხოვთ, ჭორებს ნუ აყვებით. ყველა ჩემი გადაწყვეტილება საზოგადოებას მთავარი პროკურატურის ოფიციალური ვებ-გვერდის საშუალებით ეცნობება,"- განაცხადა ლაშა ნაცვიშვილმა.
ცნობისთვის, მთავარი პროკურორის პირველ მოადგილის ლაშა ნაცვლიშვილის და თბილისის პროკურორის მაია მწარიაშვილის გადადგომის თობაზე ინფორმაცია დღეს გავრცელდა. მაია მწარიაშვილის შესაძლო შემცვლელად მცხეთის პროკურორის მიხეილ შაყულაშვილის კანდიდატურა დასახელდა.
