ბათუმში, ახლად რეაბილიტირებული ბაგრატიონის ქუჩაზე საქართველოს პრეზიდენტმა მიხეილ სააკაშვილმა თურქული სკოლა-ლიცეუმი გახსნა.
"ბოლო წლების განმავლობაში საქართველოს სკოლების 90%-ს რეაბილიტაცია მოხდა. თამამად შემიძლია უკვე ვთქვა, რომ დღეს პრაქტიკულად ყველა სკოლას გათბობის საშუალება აქვს, მაშინ, როცა ჩემი პრეზიდენტად გახდომის დროს არც ერთს საჯარო სკოლას ცენტრალური გათბობა არ ჰქონდა", - აღნიშნა სააკაშვილმა.
მისივე თქმით, ყველა სკოლაში 70-იანი წლების ინვენტარი იყო, ხოლო მისი პრეზიდენტობის პერიოდში პრაქტიკულად ყველა სასწავლო დაწესებულებაში ახალი ინვენტარი შეიტანეს.
"ჩვენ თანამედროვე სკოლების ქვეყანა ხვდებით, თანამედროვე განათლების ინფრასტრუქტურით. მივიღეთ გადაწყვეტილება, რომ ყველა სკოლას დახურული სპორტული დარბაზი და სტადიონი ექნება. ასევე რამდენიმე ათეულ სკოლაში საცურაო აუზიც გაკეთდება~, - განაცხადა პრეზიდენტმა.
