სახელმწიფო აუდიტის სამსახურის უფროსი ლაშა თორდია მისი გადადგომის თაობაზე გავრცელებულ ინფორმაციას უარყოფს.
თორდიას თქმით, იგი დაკავებულ პოსტზე აგრძელებს მუშაობას და სახელმწიფო აუდიტის სამსახურიც ჩვეულ რეჟიმში ფუნქციონირებს.
"გავრცელებული ინფორმაცია ჩემს მიერ თანამდებობის დატოვებასთან დაკავშირებით სინამდვილეს არ შეესაბამება, ჩვეულებრივად ვრჩები იმ პოზიციაზე, რაზედაც ვიმყოფები და სამსახური აგრძელებს მასზე დაკისრებული უფლება-მოვალეობების შესრულებას,"- განაცხადა ლაშა თორდიამ.
რაც შეეხება გავრცელებულ ინფორმაციას იმის შესახებ, რომ ლაშა თორდიაზე, მისი თანამდებობიდან გადადგომის მოტივით, გარკვეული ტიპის ზეწოლა ხორციელდებოდა, თორდიას თქმით, აღნიშნული სინამდვილეს არ შეესაბამება და ამის თქმის არავითარი საფუძველი არ არსებობს.
ამასთან, არ დასტურდება ინფორმაცია იმის შესახებ, რომ 17 ნოემბრის შემდეგ შესაძლოა, ლაშა თორდია ყოფილმა გენერალურმა პროკურორმა არჩილ კბილაშვილმა ჩაანაცვლოს.
