ლარმა ისევ დაიწყო გამყარება. დღეიდან დოლართან მიმართებაში ლარის ოფიციალური გაცვლითი კურსი 0.0006 ლარითაა გამყარებული.
როგორც სებ-ის ვიცე-პრეზიდენტი არჩილ მესტვირიშვილი განმარტავს, სავალუტო ბაზარზე განსაკუთრებული არაფერი ხდება და რომ კურსის მოკლევადიანი ცვალებადობა ჩვეულებრივი მომენტია.
„სავალუტო ბაზარზე განსაკუთრებული არაფერი ხდება. კურსის მსგავსი ტიპის მოკლევადიანი ცვლილებები ყოველთვის ფიქსირდება როგორც გამყარების ასევე გაუფასურების მიმართულებით, რაც გაცვლითი კურსის დამახასიათებელი და ერთ-ერთი მნიშვნელოვანი ფუნქციაა. რაც მთავარია, საშაულოვადიან და გრძელვადიან პერიოდში ფინანსურ სტაბილურობას არაფერი ემუქრება და ამისი გარანტია ეროვნული ბანკია"- განმარტავს სებ-ის ვიცე-პრეზიდენტი.
შეგახსენებთ, რომ დღეს, 9 ნოემბერს დოლართან მიმართებაში ლარის ოფიციალურმა გაცვლითმა კურსმა 1.6787 ლარი შეადგინა, მაშინ როდესაც 8 ნოემბერს ეს მაჩვენებელი 1.6793 ლარს შეადგენდა.
მასალის გამოყენების პირობები
