საქართველოს მომავალი პრეზიდენტი გიორგი მარგველაშვილი ახალი მთავრობის დაკომპლექტების საკითხებში არ მონაწილეობს. როგორც ჟურნალისტებთან მარგველაშვილმა განმარტა აღნიშნული პრეზიდენტის პრეროგატივა არ არის.
,,წარდგენილი ახალი პრემიერ-მინისტრი უაღრესად აქტიურად მუშაობს ახალი გუნდის ჩამოყალიბებაზე. ირაკლი ღარიბაშვილს უნდა მივცეთ შესაძლებლობა, რომ ამ მიმართულებით წყნარად იმუშაოს. მე ამ პროცესში არ უნდა ჩავერიო და ასეთ გრძელდება. ამის პარალელურად ჩვენ უნდა ველოდოთ ირაკლი ღარიბაშვილის პოზიციას. მე პატივს ვცემ მის პოზიციას, როგორც ის ხედავს მთავრობის შემადგენლობას. მთავრობის დაკომპლექტების საკითხში კონსულტაციებში არ ვმონაწილეობ, ეს არ არის პრეზიდენტის პრეროგატივა", _განაცხადა მარგველაშვილმა.
