სასჯელაღსრულების, პრობაციის და იურიდიული დახმარების საკითხთა მინისტრი სოზარ სუბარი ახალ მინისტრთა კაბინეტში ძირეულ ცვლილებებს და გადაადგილებებს ნაკლებად სავარაუდოდ მიიჩნევს.
სუბარის თქმით, შესაძლოა მცირე ცვლილებები განხორციელდეს, ზოგმა მინისტრმა თავად არ ისურვოს ახალ კაბინეტში მუშაობა ან პრემიერ-მინისტრმა მიიღოს ზოგი მინისტრის შეცლის გადაწყვეტილება, თუმცა ეს მასშტაბური ხასიათის არ იქნება.
ამასთან, სუბარი გამორციხავს გავრცელებულ ინფორმაციას, რომ ახალი მინისტრთა კაბინეტიდან თავრდაცვის მინისტრ ირაკლი ალასანიას გუნდის წარმომადგენელთა გათავისუფლება იგეგმება და უარყოფს, რომ კოალიცია ალასანიას და ივანიშვილის გუნდებადაა დაყოფილი.
"არაფერი მსგავსი ცვლილება არ იგეგმება გუნდების მიხედვით და ასე შემდეგ. შეიძლება რომელიმე მინისტრმა თვითონ არ მოინდომოს ან პრემიერმა გადაწყვიტოს, რომ ვიღაც შეძლება შეიცვალოს, ეს მისი გადასაწყვეტია ბუნებრივია და პარლამენტის. მაგრამ ამ წუთში ის რასაც ჰქვია კოალიცია, არის ერთიანი აგრძელებს მუშაობას და არანაირი ალასანიას გუნდი, იანიშვილის გუნდი და სხვა გუნდებით დაყოფა არანაირად არ ხდება,"- განაცხადა სოზარ სუბარმა.
