საქართველოს მომავალი პრეზიდენტი გიორგი მარგველაშვილი საქართველოს უკვე ყოფილ მთავარ პროკურორს არჩილ კბილაშვილს გაწეული საქმიანობისთვის მადლობას უხდის. როგორც მარგველაშვილმა არჩილ კბილაშვილის გადაწყვეტილების კომენტირებისას განაცხადა მას საკმაოდ რთულ პერიოდში მოუწია პროკურორობა.
,, არჩილ კბილაშვილი კარგი თანამებრძოლი იყო. უაღრესად მძიმე დროს, როდესაც ყველა ოპოზიციაში ვიყავით ის შტაბში ისეთ თემებს წყვეტდა, რომელიც უაღრესად რთული იყო. შემდეგ მან ურთულეს პერიოდში იმუშავა მთავარ პროკურორად. მე მინდა მადლობა ვუთხრა მას ორწლიანი საქმიანობისთვის, რომელიც კოალიცია ,,ქართული ოცნების" და ჩვენი სამშობლოს სამსახურში გასწია ", _განაცახდა მარგველაშვილმა.
შეგახსენებთ, რომ არჩილ კბილაშვილმა თანამდებობა საკუთარი გადაწყვეტილებით გუშინ დატოვა. როგორც ჟურნალისტებთან კბილაშვილმა განმარტა ის ბიძინა ივანიშვილთან ერთად საქმიანობას სამოქალაქო სექტორში გააგრძელებს.
