საქართველოს დელეგაცია ჟენევიდან საქართველოში გამთენიისას დაბრუნდა. მოლაპარაკებების 25-ე რაუნდზე ქართულმა მხარემ ყურადღება საოკუპაციო ხაზთან არსებულ ვითარებაზე, მავთულხლართების ინსტალაციასა და ოკუპირებულ ტერიტორიებზე მცხოვრები მოსახლეობის პრობლემებზე გაამახვილა.
განხილვის ერთ-ერთი მთავარი თემა იძულებით გადაადგილებულ პირთა დაბრუნების საკითხიც იყო.
შეხვედრისას საუბარი ასევე შეეხო რუსეთის მხრიდან ძალის გამოუყენებლობის ვალდებულების შესრულების საკითხს, თუმცა, როგორც ქართული დელეგაციის წევრები აცხადებენ, რუსული მხარე ამისთვის მზად კვლავ არ აღმოჩნდა.
ჟენევის მოლაპარაკებების მორიგი რაუნდი 17-18 დეკემბერს არის დაგეგმილი.
