პარტია ,,ქართული ოცნება_დემოკრატიული საქართველოს" თავმჯდომარე, სავარაუდოდ, ირაკლი ღარიბაშვილი იქნება. როგორც ჟურნალისტებთან კოალიცია ,,ქართული ოცნების" წევრმა ელისო ჩაფიძემ განაცხადა, დაგეგმილია პარტიის ყრილობა, სადაც თავმჯდომარის პოსტზე მოქმედი შს მინისტრის ირაკლი ღარიბაშვილის კანდიდატურა დასახელდება.
,,დაგეგმილი გვაქვს პარტიის ყრილობა, სადაც ვაპირებთ, რომ ირაკლი ღარიბაშვილი დავასახელოთ პარტიის თავმჯდომარედ", _განაცხადა ჩაფიძემ.
მისივე განმარტებით, ირაკლი ღარიბაშვილმა მასზე დაკისრებულ მოვალეობებს თავი კარგად გაართვა.
შეგახსენებთ, რომ პრემიერ-მინისტრ ბიძინა ივანიშვილის განაცხადებით პარტიის ყრილობა 24 ნოემბერს გაიმართება. ამ ეტაპზე ,,ქართული ოცნება-დემოკრატიული საქართველოს" თავმჯდომარის თანამდებობა პარლამენტის ვიცე-სპიკერს მანანა კობახიძეს უკავია.
