„ნებისნიერი სახელმწიფო თანამდებობა ეს არის დროებითი", - ასე გამოეხმაურა ლიტვიდან საქართველოს პარლამენტის თავმჯდომარე დავით უსუფაშვილი საქართველოს გენერალური პროკურორის არჩილ კბილაშვილის თანამდებობიდან წასვლას.
„ნებისნიერი სახელმწიფო თანამდებობა ეს არის დროებითი, ეს ყველამ კარგად უნდა გავიაზროთ და თითოეული ჩვენგანის ცხოვრებაში, ინც სახელმწიფო თანამდებობებზე ვართ, შესაძლოა დადგეს მომენტი, როდესაც გადავწყვიტოთ შეცვლა პოზიციის, შეცვლა სტატუსის და ა.შ.
არჩილ კბილაშვილს მე ვიცნობ სტუდენტობიდან, ის იყო თავისუფალი ადამიანი, თავისუფალი პროფესიის წარმომადგენელი ადვოკატურას მიჰყვებოდა და ძალიან წარმატებულადაც. საკმაოდ რთულია ახალ ამპლუაში გადასვლა. მეც გამიჭირდა საკმაოდ არასამთავრობო სექტორიდან პოლიტიკაში შემოსვლა და ერთი სული მაქვს როდის დავუბრუნდები ჩემთვის ყველაზე უფრო კომფორტულ ადგილს, მაგალითად უნივერსიტეტს.
აქ გავიგე ეს ამბავი. მე არჩილთან ამ თემაზე საუბარი არ მქონია. არჩილ კბილაშვილი სადაც არ უნდა მოღვაწეობდეს იქნება თავისი საქმის პროფესიონალი, ერთგული, ქვეყნისათვის გულანთებული. მე მადლობას ვუხდი მას იმისათვის რაც მან პროკურატურაში გააკეთა",_ განაცხადა დავით უსუფაშვილმა.
