,,პროკურატურის შიგნით ორი პროკურატურა არსებობდა ერთი ეს იყო კბილაშვილის და მეორე მისი მოადგილე ნაცვლიშვილის. ცხადია, მათ შორის შიდადაპირისპირება იყო. ამიტომ მთავარმა პროკურორმა მორალურ-პოლიტიკური გადაწყვეტილება მიიღო. პროკურატურაში ყველა უნდა გადადგეს და არჩილ კბილაშვილს თავისი მოადგილეებიც უნდა მიყვნენ და ახალი პროკურატურა უნდა ჩამოყალიბდეს", _განაცხადა ,,ჯი-ეიჩ-ენთან" საუბარში გელბახიანმა.

მისივე განმარტებით, მთავარ პროკურორს მისი მოადგილე ნაცვლიშვილი, ან ექსპერტი კახიშვილი შეცვლის.

,,ვპროგნოზირებდი რომ არჩილ კბილაშვილი უახლოეს პერიოდში თანამდებობას დატოვებდა და მისი შემცვლელების ვინაობაც დავასახელე. სავარაუდოდოდ, ეს იქნება მისი მოადგილე ლაშა ნაცვლიშვილი, ან ექსპერტი კახა კახიშვილი. რაც შეეხება იმას რატომ გადადგა მთავარი პროკურორი? _არჩილ კბილაშვილი მოწესრიგებული ადამიანია, მთელი თავისი ცხოვრება ადვოკატად მუშაობდა, მას არ ჰქონდა საგამოძიებო პრაქტიკა. შესაბამისად როცა მონსტრი პროკურატურის სათავეში მოდიხარ უნდა იყო მოძალადე, ან ულმობელი. თუ ეს თვისებები ადამიანს ახასიათებს პროკურორობა გამოუვა, წინააღმდეგ შემთხვევაში არა. გამოძიება როგორც ხელოვნება არც ერთი ხელისუფლების დროს მიჩნეული არ იყო, იქ არასოდეს არ აჭაჭანებდნენ პროფესიონალ კადრს, ყველა უცოდინარი იქ მიდიოდა და იკავებდა პროკურორის ადგილს, დღესაც ასე. მაშინ როცა დღის წესრიგში დადაგა სამართლიანობის აღდგენა და ყველა დამნაშავეს დასჯა, ეს მოთხოვნა პროკურატურის კადრება ვერ შესრულეს, რადგან არხელეწიფებოდათ, არც პროფესიონალურად და არც მორალურად", _განაცხადა ვალერი გელბახიანმა.