გაეროში რუსეთის წარმომადგენელი ვიტალი ჩურკინი აცხადებს, რომ მიუხედავად საქართველოს მცდელობისა „პოლიტიკური ბატალიები" გამართოს სოჭის ოლიმპიადის ირგვლივ, რუსეთი მზად არის მიიღოს ქართველი სპორტსმენები და გულშემატკივრები.
გაეროს გენერალური ასამბლეის სესიაზე სიმბოლური რეზოლუცია მიიღეს ოლიმპადის მსვლელობის პერიოდში საყოველთაო ზავის გამოცხადებასთან დაკავშირებით.
ამავდროულად, გაეროში ქართულმა დელეგაციამ, რუსეთს ბრალი კიდევ ერთხელ დასდო ოკუპაციაში და 2008 წლის ოლიმპიური თამაშების დროს დაწყებული ომი შეახსენა.
რაზეც ვიტალი ჩურკინმა განაცხადა, რომ მაშინ ომი არა რუსეთმა დაიწყო, არამედ „საქართველო დაესხა თავს სამხრეთ ოსეთს".
