"ძალიან მნიშვნელოვანია, რომ ეუთოს მისია აღდგეს საქართველოში ოღონდ იმ პირობით, რომ ეს იქნება მისია საქართველოს მთელს ტერიტორიაზე"- აცხადებს ფრაქცია „ერთიანი ნაციონალური მოძრაობის" წევრი გიორგი ბარამიძე საქართველოში ეუთოს მისიის დაბრუნების შესაძლებლობის კომენტირებისას.
„ეუთოს მისიის აღდგენა საქართველოში მნიშვნელოვანია, მხოლოდ იმ პირობით, რომ ეს არ იქნება მისიის აღდგენა მხოლოდ არაოკუპირებული ტერიტორიის ნაწილზე და რაღაცნაირად ორმაგი წაკითხვის საშუალება დარჩება ოკუპირებულ ტერიტორიებთან მიმართებაში და არაოკუპირებულ ტერიტორიებთან მიმართებაში", _ აცხადებს ბარამიძე.
შეგახსენებთ, რომ განცხადება იმის შესახებ, რომ ეუთოს მისია საქართველოში თავისი წარმომადგენლობის აღდგენას გეგმავს ორგანიზაციის გენერალურმა მდივანმა ლამბერტო ზანნერმა რუსულ მედიასთან საუბარში გუშინ გააკეთა.
