„ჟენევის საერთაშორისო დისკუსიები უკვე მეხუთე წელია მიმდინარეობს, თუმცა პროგრესი ნელა მიდის", _ განაცხადა ჟენევის საერთაშორისო მოლაპარაკებათა 25-ე რაუნდის დასრულების შემდეგ აშშ-ს სახელმწიფო მდივნის მოადგილემ ევროპისა და ევრაზიის საკითხებში ერიკ რუბინმა.
„ჩვენ ჟენევის დისკუსიების 25-ე რაუნდი დავასრულეთ, რომლებიც უკვე მეხუთე წელია მიმდინარეობს. ეს ძალიან დიდი დროა თუმცა პროგრესი ნელა მიდის.
ამჟერად საკმაოდ კონსტრუქციული განწყობა იყო. არ ყოფილა არც ერთი შემაფერხებელი გარემოება. რა თქმა უნდა არის უთანხმოებაც ამიტომაც ჰქვია ამას კონფლიქტი საქართველოში და ჟნეევის დისკუსიებიც მის შესახებაა", - განაცხადა უბინმა და აღმნიშნა, რომ საქართველო ოკუპირებული რჩება და შედეგი ჯერ არ ჩანს.
„საქართველოს ტერიტორიები ოკუპირებული რჩება. შედეგი რა თქმა უნდა ჯერ არ არის, თუმცა იმის შესაძლებლობა, რომ გვქონდეს კონსტრუქციული დიალოგი ძალიან მნიშვნელოვანია", _ განახადა ამერიკელმა მაღალჩინოსანმა და განმარტა, რომ ჩატარებულ მოლაპარაკებებზე ერთ-ერთი მთავარი საკითხი საზღვრის გადმოწევის საკითხი იყო.
„ერთ ერთი მიმართულება რაზეც ვისაუბრეთ იყო საზღვრის გადმოწევის საკითხი, და მისი გავლენა უსაფრთხოებისა ადამიანების ყოველდღიურ ცხოვრებაზე. მოსახლეობის ნაკვეთები და სასაფლაოები ორადაა გაყოფილი. ადამიანები კი მოწყვეტილნი არიან თავის ნათესავებსა და ოჯახს.
ვფიქრობ, რომ ეს არის სერიოზული პრობლემა. ჩვენ ვაცხადებთ, რომ ეს ნეგატიური ნაბიჯია და არ შეესაბამება რუსეთის 2008 წლის ვალდებულებებს. ასევე ვერ წაადგება რეგიონულ სტაბილურობასა და უსაფრთხოებას.
ჟენევის დისკუსიებზე ჩვენ ყოველთვის ღიად ვაფიქსირებდით საქართველოს ტერიუტორიული მთლიაობისადმი მხარდაჭერას, ვსაუბრობთ მიმდინარე ოკუპაციასა და იძულებით გადაადგილებულ პირებზე. სწორედ ამისათვის არსებობს ეს ფორმატი",_ განაცხადა რუბინმა.
მისივე თქმით, სამმა თავმჯდომარემ ეს დისკუსიები წარმატებულად ჩაატარა.
„მაგრამ არ მინდა შევქმნა მცდარი შთაბეჭდილება. ეს არ არის მარტივი პროცესი და ხუთი წლის განმავლობაში მიღწეული პროგრესი ძალიან მცირეა", _ ახადებს ერიკ რუბინი.
