არ ყოფილა არც ერთი შეხვედრა, რომელზედაც დასმული ყოფილიყო მსგავსი საკითხები, ანუ ეს საკითხები ჯერ-ჯერობით არ განიხილება,- ამის შესახებ საგარეო საქმეთა მინისტრმა მაია ფანჯიკიძემ მომავალი მინისტრთა კაბინეტის დაკომპლექტების და მოქმედი მინისტრების შესაძლო ჩანაცვლების საკითხის კომენტირებისას ისაუბრა.
ფანჯიკიძის თქმით, მინისტრთა კაბინეტში ცვლილებების შეტანის საკითხი ფართო წრეში არ განხილულა და შესაბამიასად, მედიაში გავრცელებულ სხვადასხვა ინფორმაციებს რეალური საფუძველი არ აქვს.
"მე მოვიაზრებ საკუთარ თავს ახალ მინისტრთა კაბინეტში, რადგანაც მგონია, რომ მიმყავს ქვეყნისთვის ერთ-ერთი ყველაზე მნიშვნელოვანი მიმართულება - საგარეო პოლიტიკა და მე არ მაქვს საფუძველი ვიფიქრო, რომ ვინმე უკმაყოფილოა ჩემი მუშაობით,"- განაცხადა მაია ფანჯიკიძემ.
