საქართველოს პრეზიდენტი მიხეილ სააკაშვილი არჩეული პრეზიდენტის გიორგი მარგველაშვილის ინაუგურაციას სავარაუდოდ, არ დაესწრება.
როგორც სააკაშვილმა საფრანგეთის ყოფილ პრეზიდენტ ნიკოლა სარკოზისთან გამართული შეხვედრის შემდეგ აღნიშნა, საქართველო ემზადება ვილნიუსის სამიტისთვის და იგი ამ სამიტამდე კიდევ რამდენიმე ევროპული ქვეყნის მოვლას აპირებს.
ქვეყნის პირველი პირის თქმით, ახლა ქვეყანამ მაქსიმალურად ბევრი უნდა მიიღოს საქართველოს ევროპული ინტეგრაციის თვალსაზრისით და ეს არის ერთ-ერთი მთავარი რამ, რისთვისაც უნდა გამოვიყენოს მისი პრეზიდენტობის ბოლო დღეები.
მარგველაშვილის ინაუგურაციაზე მიხეილ სააკაშვილის დასწრების საკითხის გასარკვევად "ჯი-ეიჩ-ენი" პრეზიდენტის ადმინისტრაციის საზოგადოებასთან ურთიერთობის სამსახურს დაუკავშირდა. როგორც პრეზიდენტის პრეს-სამსახურში აცხადებენ, მიხეილ სააკაშვილი გიორგი მარგველაშვილის ინაუგურაციაზე დასწრების გადაწყვეტილებას თავად მიიღებს და ამის შესახებ ინფორმაციას ისინი არ ფლობენ.
