დღეს დედამიწაზე მზის დაბნელება დაფიქსირდა. მსოფლიო აღნიშნული მოვლენის მომსწრე თბილისის დროით 17:00 საათისთვის გახდა.
მეცნიერების ინფორმაციით, წლევანდელი მზის დაბნელება გამორჩეულია, რადგან ის ჰიბრიდულ ხასიათს ატარებს.
აბასთუმნის ობსერვატორიის დირექტორის, ასტრონომი მაია თოდუას განცხადებით, აღნიშნული მოვლენა კლიმატურ ცვლილებებს არ იწვევს და არც ადამიანის ჯანმრთელობაზე ახდენს გავლებნას.
"ეს არის მოვლენა, როდესაც დედამიწასა და მზეს შორის აღმოჩნდება მთვარე. ის, რაც დღეს დაფიქსირდა, საკმაოდ იშვიათი სახის, ჰიბრიდული დაბნელებაა. არსებობს სრული და რგოლისებური დაბნელება. სრული დაბნელება გამოჩნდება ჩრდილოეთ ამერიკიდან და აფრიკის კონტინენტის კარკვეულ ნაწილზე. არანაირი კლიმატური ცვლილებების გამოწვევა ამას არ შეუძლია და არც ადამიამის ჯანმრთელობაზე შეუძლია რაიმე სახის გავლენის მოხდენა,"- განაცხადა მაია თოდუამ.
დღეს დაფიქსირებული მზის დაბნელება შუმჩნეველი დარჩა საქართველოში. მისი ნახვა მხოლოდ ჩრდილოეთ ამერიკიდან, აფრიკის კონტინენტიდან და ატლანტის ოკენაიდან იყო შესაძლებელი.