მიხეილ სააკაშვილი ძალიან დიდი მონდომებით აჭედებს საკუთარ პოლიტიკურ კუბოს, რომელიც გაითხარა ბევრი წლის წინ,- ამის შესახებ საპარლამენტო უმრავლესობის წევრმა თინა ხიდაშელმა ბაჩო ახალაიას შეწყალების თაობაზე საქართველოს პრეზიდენტის მიერ მიღებული გადაწყვეტილების კომენტირებისას ისაუბრა.
ხიდაშელის თქმით, მას მიხეილ სააკაშვილის მხრიდან არაფერი გამუკვირდება და ელოდება, რომ "ჯერ კიდევ განაჩენგამოუტანელ ვანო მერაბიშვილსაც შეიწყალებს ალბათ 17 ნოემბრამდე".
"რაღაცას მოიგონებენ და დაწერენ. არც ეს არ არის პრობლემა. ბაჩო ახალაია გამართლდა ნაწილ ბრალში, ნაწილი ბრალი დაუდასტურდა მას, ანუ ყველაფერი წესიერად, ლოგიკურად სამართლიანად მიდის. მან მაინც გადაწყვიტა, რომ კანონის უგულებელყოფით გააკეთოს ეს. პრობლემა არ არის, შეიწყალოს,"- განაცხადა თინა ხიდაშელმა.
