როგორც პრეზიდენტის ადმინისტრაციის მიერ გავრცელებულ ვიდეოჩანაწერშია აღნიშნული, მიხეილ სააკაშვილმა ახალი საპრეზიდენტო ბიბლიოთეკისთვის დამატებით რამდენიმე ასეული წიგნი შეიძინა.

"სარგებელი საპრეზიდენტო თვითმფრინავის არის ის, რომ მთელი ევროპის წიგნის მაღაზიებში დავდივარ და საპრეზიდენტო ბიბლიოთეკისთვის ვაგროვებ წიგენებს. სხვანაირად ძალიან ძვირი დაჯდებოდა ამ წინგების ჩამოტანა, აეროპორტებში ძალიან ძვირს გადაგვახდევინებდნენ ტვირთის ფულს. გვაქვს სხვადასხვა ძალიან საინტერესო წიგნები, ასეთი ბიბლიოთეკა საქართველოს არ აქვს, იმიტომ რომ პრაქტიკულად მოვიკითხე და არც სამხატვრო აკადემიას და არც სხვა არქიტექურულ თუ დიზაინის ფაკულტეტებს აქვთ. ამიტომ ჩვენ სადღაც 2 000 წიგნამდე გვაქვს უკვე დიზაინზე და არქიტექტურაზე და რა თქმა უნდა პოლიტიკური მეცნიერებებიც. პოლიტიკური მეცნიერების, ისტორიის და სოციოლოგიის ასეთი მასშტაბური ბიბლიოთეკა საქართველოში არსად არ არის. ძალიან რთული სახელმძღვანელოებია არქიტექტურაში, მე ბოლომდე არ მესმის, მაგრამ ძალიან საინტერესოა საქართველოს შემდგომი აღმშენებლობისთვის. ახლა რამდენიმე ევროპული ქვეყანა მოვიარეთ და დამატებით რამდენიმე ასეული წიგნი ავიღეთ და საბოლოო ჯამში წლის ბოლომდე 5 000 - 6 000 წიგნი გვექნება, აქედან 2 000 წიგნი ხალხმა გვაჩუქა. რა თქმა უნდა ძვირი ღირს ეს წიგნები, მაგრამ სამაგიეროდ ძალიან მაგარი ეფექტი ექნება როცა ჩვენი არქიტექტორები, დიზაინერები, პოლიტიკურ მეცნიერებათა სტუდენტები, უბრალოდ ის ხალხი, ვისაც ეს სფერო აინტერესებს, ივლის ჩემს საპრეზიდენტო ბიბლიოთეკაში და ამ ყველაფერს გაეცნობა. ვიღაცამ შეიძლება თქვას, რომ ეს არის თანამდებობის ბოროტად გამოყენება, პრეზიდენტის თვითმფრინავს, რომელსაც ჰქვია "ლაზიკა", ბოლო დღეებში ვიყენებ ყველა მიმართულებიდან. საქმეზეც დავდივარ მაგრამ ხელს გამოვაყოლე მთელი ეს წიგნები თბილისში,"- განაცხადა მიხეილ სააკაშვილმა.