ბატონი ბიძინასგან რაღაცეებს ვსწავლობ მეც და ესეიგი მან მოსვლით თავისი სერიოზული საქმე ხომ გააკეთა, და როგორც თავად იტყოდა, ახერხებს იმასაც, რომ წასვლითაც სერიოზულ საქმეს აკეთებს,- ამის შესახებ პარლამენტის თავმჯდომარემ "რესპუბლიკური პარტიის" რიგით XV ყრილობაზე სიტყვით გამოსვლისას ისაუბრა.
დავით უსუფაშვილის განცხადებით, რადგან იგი ხედავს, რომ ასეთი წარმატებულია ივანიშვილის რჩევები და მოქმედებები, თავადაც გადაწყვიტა დაასწროს და თვითონ ”რესპუბლიკური პარტიის” თავმჯდომარის პოსტიდან წავიდეს სანამ ივანიშვილი პოლიტიკიდან წავა.
საგამოფენო ცენტრ "ექსპო ჯორჯიაში" "რესპუბლიკური პარტიის" ყრილობა მიმდინარეობს, სადაც პარტიის ეროვნული კომიტეტის წევრების არჩევა მოხდება. ეროვნული კომიტეტი კი, თავის მხრივ "რესპუბლიკელების" ახალ თავმჯდოიმარეს აირჩევს, რომელიც ამ პოსტზე დავით უსუფაშვილს შეცვლის.
