ვფიქრობ, რომ მინისტრთა კაბინეტის სრული შემადგენლობა პრაქტიკულად შეინარჩუნებს თანამდებობებს,- ამის შესახებ საპარლამენტო უმრავლესობის წევრმა თინა ხიდაშელმა ჟურნალისტებთან განაცხადა.
ხიდაშელის თქმით, მინისტრთა კაბინეტის შემადგენლობაში სერიოზული ცვლილებების შესატანად არანაირი საფუძველი არ არსებობს და შესაბამისად, ნაკლებად სავარაუდოა მსგავსი გადაწყვეტილების მიღება.
"რა თქმა უნდა იქნება მინიმუმ ერთი საკადრო ცვლილება, შინაგან საქმეთა მინისტრის შემთხვევაში. ჩვენ უკვე ვსაუბრობთ სავარაუდო კანდიდატებზე, მაგრამ მე ვფიქრობ, რომ სანამ საბოლოო კანდიდატი არ გამოკვეთილა ამაზე საუბარი ნააადრევია,"- განაცხადა თინა ხიდაშელმა.