„ევროპული ტიპის კულტურული პოლიციის ჩამოყალიბას" პრემიერ-მინისტრი ბიძინა ივანიშვილი ირაკლი ღარიბაშვილის ერთ-ერთ მთავარ მიღწევად მიიჩნევს.
„ყველაზე დიდი წარმატების და საკუთარი პიროვნული თვისებების ჩვენება მან მოახერხა შს მინისტრის რანგში, როდესაც ყველაზე რთული სტრუქტურა, ყველაზე საზოგადოებრივი, ყველას თვალში მოსახვედრი და ჩვენი სახეც თუ გნებავთ, პოლიცია, რომელიც იყო სირცხვილი ჩვენი, ისე დაკომპლექტებული, რომელიც ძალადობდა საკუთარ საზოგადოებაზე. აბსოლიტურად დაკარგული ქონდა იმიჯი. ამ კაცმა 1 წელიწადში მოახდინა საოცრება. ასეთი პოლიცია მოახერხა და გადაალაგა, და ევროპული ტიპის კულტურული პოლიცია ჩამოაყალიბა"- განმარტა ბიძინა ივანიშვილმა, ახალი პრემიერ-მინისტრის კანდიდატურის წარდგენისას.
ბიძინა ივანიშვილმა ირაკლი ღარიბაშვილის წარსული გაიხსენა და განმარტა, რომ ირაკლი ღარიბაშვილსა და მის მეუღლეს სკოლიდან უყვართ ერთმანეთი. ივანიშვილმა ხაზგასმით აღნიშნა ისიც, რომ ღარიბაშვილის მშობლები და მისი სიმამრი და სიდედრი შვებულებას ყოველთვის ერთად ატარებენ, რაც ივანიშვილის განმარტებით, სწორედ ირაკლი ღარიბაშვილის დამსახურებაა.