პრემიერ-მინისტრის პოსტზე ბიძინა ივანიშვილის შემცვლელის ვინაობა 15:30 საათზე დასახელდება. პრემიერ-მინისტრის პრესსამსახურის ინფორმაციით, დღეს 2 ნოემბერს 15.30 საათზე, "ქართული ოცნების" ცენტრალურ ოფისში ბიძინა ივანიშვილი საქართველოს პრემიერ-მინისტრობის კანდიდატს წარადგენს.
როგორც ცნობილია, პრემიერ-მინისტრობის კანდიდატად ბოლო პერიოდში ჯანდაცვისა და შს მინისტრები მოიაზრებოდნენ, თუმცა გავრცელებული ინფორმაციით, ბიძინა ივანიშვილი „მემკვიდრეს" ამჟამინდელ შს მინისტრს ირაკლი ღარიბაშვილს დაასახელებს.
