პარტია "ქართული ოცნება - დემოკრატიული საქართველოს" პოლიტიკური მდივნის, არმაზ ახვლედიანის განცხადებით, ქვეყნის ახალი პრემიერ-მინისტრი დღევანდელი მინისტრთა კაბინეტიდან საუკეთესო წევრი იქნება.
"გუნდში, რომელშიც არაერთი ღირსეული ადამიანია, თავისუფლად შეიძლება შეირჩეს ისეთი, ვინც მოახერხებს და ამ მონაპოვრებს როგორც პოლიტიკურად, ასევე ეკონომიკურ ფრონტზეც, რაც არანაკლებ მნიშვნელოვანია ახალი პრემიერისთვის, დაიცავს და გაამრავლებს, გაამრავალფეროვნებს,"- განაცხადა არმაზ ახვლედიანმა.
შეგახსენებთ, რომ ხვალ კოალიცია "ქართული ოცნების" პოლიტსაბჭოს მორიგი სხდომა გაიმართება. გავრცელებული ინფორმაციით, პრემიერ-მინისტრის პოსტზე ბიძინა ივანიშვილის შემცვლელის ვინაობა აღნიშნული სხდომის დასრულების შემდეგ გახდება ცნობილი.
