თბილისის სასწავლო უნივერსიტეტსა და კომპანია „ინგლისური წიგნი საქართველოსა" და შპს "Unique Learning" შორის ურთიერთთანამშრომლობის მემორანდუმი გაფორმდა, რომელსაც ხელი უნივერსიტეტის რექტორმა, პროფესორმა სოლომონ პავლიაშვილმა და შპს „Unique Learning" დირექტორმა მიხეილ გურგენიძემ მოაწერეს.
„თანამშრომლობის მიზანი სწავლების ინოვაციური მეთოდებისა და თანამედროვე სახელმძღვანელოებით ინგლისური ენის შესწავლაა. ამასთან, თბილისის სასწავლო უნივერსიტეტი აბიტურიენტებს, ბაკალავრებს, მაგისტრებსა და სხვა დაინტერესებული პირებს Pearson Test of English-ის (PTE) ტესტის ჩასაბარებლად მოამზადებს. Pearson Test of English-ის ტესტირება უნივერსიტეტის ბაზაზე ჩატარდება. ყოველივე ამას კი, თბილისის სასწავლო უნივერსიტეტთან არსებული ზრდასრულთა განათლების ცენტრი უზრუნველყოფს," - აცხადებს თბილისის სასწავლო უნივერსიტეტის რექტორი, პროფესორი სოლომონ პავლიაშვილი.
აქვე, შეგახსენებთ: Pearson Test of English-ის (PTE) ტესტი მსოფლიოს მრავალ ქვეყანაში (საფრანგეთი, გერმანია, საბერძნეთი, იტალია, პოლონეთი, ესპანეთი, კანადა, ავსტრალია და სხვა), მათ შორის, დიდი ბრიტანეთისა და ამერიკის შეერთებული შტატების წამყვან უნივერსიტეტებსა და სამთავრობო ორგანიზაციებშია აღიარებული.
სოლომონ პავლიაშვილის თქმით, ტესტირების შემდეგ სტუდენტები მიიღებენ საერთაშორისოდ აღიარებულ უვადი სერტიფიკატს.
თბილისის სასწავლო უნივერსიტეტის ზრდასრულთა განათლების ცენტრი იწყებს დაინტერესებული პირების Pearson Test of English (PTE) ტესტირების ჩაბარებისათვის მომზადებას. დამატებითი ინფორმაციისათვის შეგიძლიათ, დარეკოთ: 2-96-01-04. ელექტრონული ფოსტა: info@tbuniver.edu.ge
