"მინდა მოგილოცოთ გამარჯვება კვირას გამართულ საპრეზიდენტო არჩევნებში. ქართველმა ხალხმა კიდევ ერთხელ აჩვენა დემოკრატიული პროცესებისადმი თავისი ერთგულება და გამოხატა საკუთარი რწმენა თქვენდამი, როგორც სახელმწიფოს მეთაურის მიმართ. ევროკავშირის სახელით მსურს გისურვოთ ყოველგვარი წარმატება ამ მნიშვნელოვანი პასუხისმგებლობის შესასრულებლად.
ევროკავშირს დიდი იმედი აქვს, რომ თქვენ შექმნით საკუთარ ხელწერას საქართველოს თანამედროვე პოლიტიკური ისტორიის ამ მნიშვნელოვან ეტაპზე. ახალი კონსტიტუციით, რომელიც ძალაში შევა თქვენი ოფიციალური დანიშვნისთანავე, თქვენი ქვეყნის დემოკრატიულ ინსტიტუტებს დაევალებათ გაუძღვნენ საკუთარ ქვეყანას ახალ გამოწვევებთან შესახვედრად. როგორც ქვეყნის ხელმძღვანელის, თქვენი მაგალითი წარუძღვება მათ თავიანთი საქმიანობისას", _ ნათქვამია მისალოც წერილში.

ევროკომისიის პრეზიდენტმა აღნიშნავს, რომ მარგველაშვილის პრეზიდენტად არჩევა ასევე დაემთხვა მნიშვნელოვან წინგადადგმულ ნაბიჯს ევროკავშირსა და საქართველოს შორის ურთიერთობებში.

"ევროპის აღმოსავლეთ პარტნიორობის სამიტზე ვილნიუსში, 29 ნოემბერს, ჩვენ საფუძველს ჩავუყრით ასოცირების ხელშეკრულებას, მათ შორის ღრმა და ყოვლისმომცველი თავისუფალი ვაჭრობის სფეროში, რაც მნიშვნელოვნად წინ წაგვწევს პოლიტიკური ასოცირებისა და ეკონომიკური ინტეგრაციის მიმართულებით", _ აცხადებს ბაროსო.

ბაროსო იმედს გამოთქვამს, რომ მარგველაშვილის პრეზიდენტობის პერიოდში ევროკავშირი და საქართველო გადადგამენ დიდ ნაბიჯებს ასოცირების ხელშეკრულების განსახორციელებლად და მოქალაქეებისთვის მნიშვნელოვანი სარგებლის მოსატანად.

"იმედი მაქვს, მომეცემა საშუალება პირადად შეგხვდეთ რაც შეიძლება მალე და გადმოგცეთ ჩემი გულწრფელი მოლოცვა და საუკეთესო სურვილები", - აღნიშნავს ევროკომისიის პრეზიდენტი.