ავღანეთში, ერედვის საარჩევნო უბანზე დაფიქსირებული შედეგებით "ნაციონალური მოძრაობის" საპრეზიდენტო კანდიდატმა დავით ბაქრაძემ გაიმარჯვა.
ავღანეთის სპეცუბნებზე ჩატარებული არჩევნების შედეგებს საქართველოს ცენტრალურ საარჩევნო კომისიაში ამ წუთებში ითვლიან.
ერედვის და ლეზერნეკის საარჩევნო უბნებიდან ჯერ-ჯერობით ერთი, ერედვის მონაცემებია დათვლილი, რომლის თანახმად, "ნაციონალური მოძრაობის" პრეზიდენტობის კანდიდატს დავით ბაქრაძეს ხმა 318-მა სამხედრო მოსამსახურემ მისცა, კოალიცია "ქართული ოცნების" საპრეზიდენტო კანდიდატს გიორგი მარგველაშვილს - 285-მა ჯარისკაცმა, "ლეიბორისტული პარტიის" ლიდერს შალვა ნათელაშვილს - 25-მა, ხოლო "დემოკრატიული მოძრაობის" პრეზიდენტობის კანდიდატს ნინო ბურჯანაძეს 14-მა სამხედრო მოსამსახურემ დაუჭირა მხარი.
ლეზერნიკის საარჩვენო უბნის ბიულეტენები ჯერ-ჯერობით დათვლილი არ არის.
