,,ივანიშვილმა შეგვკრიბა დიდი ლაშქარი ამ გამარჯვებისთვის და ამ ლაშქარმა უნდა გააგრძელოს ბრძოლა ქვეყნის ასაშენებლად", _განაცხადა პარლამენტის თავმჯდომარემ დავით უსუფაშვილმა საპრეზიდენტო არჩევნების შეფასებისას.
მისივე განცხადებით საქართველოს ეყოლება ღირსეული პრეზიდენტი.
,,მინდა კოალიციის წარმომადგენელ ყველა პარტიას, ვინც ამ გამარჯვებას ჭედავდა მადლობა ვუთხრა. ბიძინა ივანიშვილმა შეგვკრიბა დიდი ლაშქარი ამ გამარჯვებისთვის, ამ ლაშქარმა უნდა გააგრძელოს ბრძოლა ქვეყნის ასაშენებლად. გიორგი მარგველაშვილს ულოცავ დიდ გამარჯვებას. ის იქნება საქართველოს პრეზიდენტი, ყველას პრეზიდენტი. ეს იქნება სწორედ ის განსხვავება, რომელიც გვინდა, რომ ვაჩვენოთ ჩვენს ქვეყანას. დღევანდელი არჩევნები ყველა წინა არჩევნებისგან როგორც იყო განსხვავებული, ასეთივე თვისობრივად განსხვავებული პრეზიდენტი იქნება მარგველაშვილი", - განაცხადა უსუფაშვილმა.
