,,ჩვენ ვაჩვენეთ მსოფლიოს, რომ თავისუფალი ერი თავისუფლად ირჩევს თავის ხელმძღვანელობას", _მიმართა კოალიცია ,,ქართული ოცნების" საპრეზიდენტო კანდიდატმა გიორგი მარგველაშვილმა ,,ქართული ოცნების" ცენტრალურ ოფისთან შეკრებილ მხარდამჭერებს.
მარგველაშვილმა გამოცხადებული ნდობისთვის პრემიერ ივანიშვილსა და ამომრჩეველს მადლობა გადაუხადა.
,,მადლობა თითოეულ მოქალაქეს, რომელსაც არ დაეზარა, რომლისთვისაც მნიშვნელოვანი იყო არაბუნებრივი 9 წელი, რომელიც გავიარეთ, თავისი მოქალაქეობრივი აქტიურობით დაესრულებინა. მინდა მადლობა გადავუხადო შტაბის წევრებს დღევანდელი დღე მათ შექმნეს. დიდი მალდობა მინდა გადავუხადო თითოეულ პოლიტიკურ ძალას, რომელმაც აჩვენა, რომ ჩვენ გვაერთიანებს სამშობლოს სიყვარული. მადლობა ჩემთვის უაღრესად მნიშვნელოვან ადამიანს, რომელიც არის და ყოველთვის დარჩება ჩემთვის ძალიან სერიოზულ ავტორიტეტად - მადლობა ბიძინა ივანიშვილს. მან შექმნა შარშანდელი გამარჯვება და შექმნა დღევანდელი გამარჯვება", - განაცხადა მარგველაშვილმა.
