პრემიერ-მინისტრმა ბიძინა ივანიშვილმა საქართველოს მოსახლეობას მეორე ტურთან დაკავშირებით მის მიერ გაკეთებული განცხადების გამო ბოდიში მოუხადა. როგორც ივანიშვილმა ,,ქართული ოცნების" ცენტრალურ ოფისთან შეკრებილი ხალხის მიმართვისას განაცხადა, ის ყოველთვის ქვეყნისა და ხალხის სამსახურში იქნება.
ივანიშვილმა ქართველ მოსახლეობას მხარდაჭერისთვის მადლობა გადაუხადა.
,,დიდი მადლობა საქართველოს მოსახლეობას. როდესაც სკეპტიკოსები ზოგჯერ საოცარ კითხვებს სვამდნენ ზოგიერთი კრიტიკოსი, ანალიტიკოსი, ექსპერტი სასწაულ განცხადებებს აკეთებდნენ შეურაცხყოფილად ვგრძნობდი, რომ ვერ იგებდნენ, არ ესმოდათ საქართველოს მოსახლეობის. როდესაც მაიძულეს გამეკეთებინა პასუხი მეორე ტურთან დაკავშირებით, ამის გამო მინდა ბოდიში ვუთხრა ქართველ მოსახლეობას, რომ ეს განცხადება გავაკეთე. ეს იქნებოდა ტრაგედია ჩემთვის. მეორე კი არა მესამე ტური რომ იყოს, სანამ ცოცხალი ვიქნები ჩემს ქვეყანას თავს შემოვევლები. ეს არ მინდოდა, ჩვენ განა ვერ გავიმარჯვებდით, მინდოდა დამენახა და გამეგო, რომ სწორად ვგრძნობ. თქვენ ამ დიდი სიყვარულს იმსახურებთ, ყველაფერს კარგს იმსახურებთ და მიიღებთ კიდეც. გილოცავთ და ჩვენ ყველანი ერთად ავაშენებთ ბედნიერ სახელმწიფოს, ისეთს, როგორზეც ოცნებობდა ილია, ვაჟა და ჩვენი წინაპრები", - განაცხადა ბიძინა ივანიშვილმა.
