ფინანსთა მინისტრი ნოდარ ხადური დარწმუნებულია რომ საპრეზიდენტო არჩევნებში კოალიციის პრეზიდენტობის კანდიდატი გიორგი მარგველაშვილი გაიმარჯვებს.
,, პირველ რიგში მინდა აღვნიშნო რომ არჩევნები მშვიდ ვითარებაში, თავისუფლად ჩატარდა. რაშიც ეჭვი არავის არ ეპარებოდა ყოველგვარი ეგზიტპოლების გარეშე ღრმად ვარ დარწმუნებული რომ კოალიცია ,,ქართული ოცნების" საპრეზიდენტო კანდიდატი გიორგი მარგველაშვილი დამაჯერებლად გაიმარჯვებს. დაველოდოთ ცენტრალური საარჩევნო კომისიას", _განაცხადა ჟურნალისტებთან ხადურმა ეგზიტპოლების შედეგების შეფასებისას
შეგახსენებთ, რომ უკრაინული კომპანია SOCIS-ის მიერ ჩატარებული ეგზიტპოლების მონაცემებით საპრეზიდენტო არჩევნებში კოალიცია ,,ქართული ოცნების" საპრეზიდენტო კანდიდატი გიორგი მარგველაშვილი 65% ლიდერობს. მეორე ადგილზეა ,ნაციონალური მოძრაობის" საპრეზიდენტო კანდიდატი დავით ბაქრაძე 16%, ,,დემოკრატიული მოძრაობის" საპრეზიდენტო კანდიდატს ნინო ბურჯანაძეს კი 9% აქვს.
კვლევა ახალი ამბების სააგენტო „ჯი-ეიჩ-ენისა" და გაზეთ „პრემიერის" დაკვეთით კომპანია SOCIS-მა ჩაატარა. კვლევა საქართველოს მასშტაბით 152 საარჩევნო უბანზე ჩატარდა. გამოიკითხა 12100 ამომრჩეველი.
