საქართველოს სასჯელაღსრულების, პრობაციის და იურიდიული დახმარების საკითხთა მინისტრის სოზარ სუბარის განცხადებით, მას მიაჩნია, რომ ახალ მინისტრთა კაბინეტში ისევ იქნება, თუმცა შესაძლოა, ქვეყნის ახალმა პრემიერ-მინისტრმა სხვაგვარი გადაწყვეტილება მიიღოს.
"პრემიერ-მინისტრის კანდიდატურა რამდენიმე დღეში გახდება ცნობილი. ჩემზე ძნელია ჯერ თქმა, თუმცა პირადად მე ვფიქრობ, რომ ვიქნები მინისტრთა კაბინეტში, თუმცა ახალმა პრემიერმა შეიძლება სხვანაირად ჩათვალოს,"- განაცხადა სოზარ სუბარმა.
რაც შეეხება ქვეყნის მთავრობის ახალი ხელმძღვანელის საკითხს, სუბარის თქმით, მას დაახლოებით აქვს წარმოდგენა ვინ შეიძლება დაიკავოს ბიძინა ივანიშვილის პოსტი, თუმცა ამ ეტაპზე დაკონკრეტებისგან თავს იკავებს და აცხადებს, რომ ახალ პრემიერ-მინისტრს მოქმედი პრემიერი თავად დაასახელებს.
