"დემოკრატიული მოძრაობის" ლიდერმა და პრეზიდენტობის კანდიდატმა, ნინო ბურჯანაძემ საკუთარი არჩევანი ოჯახის წევრებთან ერთად გააკეთა.
ნინო ბურჯანაძე მე-3 ოლქის მე-2 უბანში მეღლესთან და შვილებთან ერთად მივიდა და საკუთარი არჩევანი დაფიქსირა.
როგორც ხმის მიცემის შემდეგ ბურჯანაძემ განაცხადა, მიუხედავად გარკვეული დარღვევებისა, იმედევნობს, რომ საბოლოოდ არჩევნები მშვიდად, სამართლიანად და დემოკრატიულად ჩატარდება, იქნება მხოლოდ უმნიშვნელო დარღვევები, რომელიც არ შეცვლის არჩევნების რეალურ შედეგებს.
„მიუხედავად იმისა, რომ გარკვეული დარღვევები დღეს დილიდან უკვე დაფიქსირდა, მე მინდა იმედი ვიქონიო, რომ საბოლოოდ არჩევნები ჩატარდება მშვიდად, სამართლიანად, დემოკრატიულად, ისე, რომ იქნება მხოლოდ უმნიშვნელო დარღვევები, რომელიც არ შეცვლის არჩევნების რეალურ შედეგებს.
მე მინდა ვთქვა, რომ ძალიან მნიშვნელოვანია, რომ ამომრჩეველი მოვიდეს, ხმა მივცეთ ქვეყნის განვითარებას, ქვეყნის გამთლიანებას და სამართლიანი ქვეყნის აშენებას, მე მინდა ყველას ვთხოვო: ვინც ახლა უყურებს ამ კომენტარს, გამორთოს ტელევიზორი და მოვიდეს საარჩევნო უბანზე და ხმა მისცეს საკუთარი ოჯახის, საკუთარი შვილების და ჩვენი სამშობლოს მომავალს, ნუ დაუტოვბთ სხვას გადასწყვეტად ჩვენი და ჩვენი შვილების და ჩვენი სამშობლოს ბედს.
ჩემი მოლოდინი არის, რომ არჩევნები უნდა ჩატარდეს სამართლიანად, თავისუფლად და დემოკრატიულად. ასეთ შემთხვევაში მე დარწმუნებული ვარ შედეგებში. ასე, რომ ხელისუფლების ვალდებულებაა, რომ არჩევნები ჩატარდეს თავისუფლად და სამართლიანად. იმედია ამის გაკეთებას ხელისუფლება შეძლებს. წინასაარჩევნო პერიოდი ნამდვილად იყო განუზომლად უფრო უკეთესი ვიდრე სხვა პერიოდებში და იმედია ახლაც შეძლებენ თავის შეკავებას და ხელი არ წაუცდებათ გაყალბებაზე.
ცალკეულ რაიონებში იყო სერიოზული დარღვევები, რომელიც შეიძლება ლამის უბნის გაუქმების საფუძველიც კი გახდეს. ამაზე ჩვენი შტაბი თქვენ სისტემატურად მოგაწოდებთ ინფორმაციას.
იყო დარღვევები, რომელიც დაფიქსირდა კამერების წინაც კი, ვფიქრობ რომ მსოფლიოში უპრეცედენტო და ძალიან აშკარა დარღვევაა, როგორც ჩანს საქართველოში ხელისუფლებაში ჯერ კიდევ არიან ადამიანები, რომლებსაც სჯერათ, რომ კანონი იწერება ყველასთვის, ოღონდ მათთვის არა. მე იმედი მაქვს, რომ დღევანდელი არჩევნები ჩვენ სწორედ იმას მოგვიტანს, რომ კანონის წინაშე ერთნაირად პასუხისმგებელი იქნება და ერთნაირად იმოქმედებს ყველა -პრეზიდენტიც, პრემიერმინისტრიც, რიგითი მოქალაქეც და კანონი ყველასთვის თანასწორი იქნება და ყველა თანასწორი იქნება კანონის წინაშე."- აღნიშნა ბურჯანაძემ.
მასალის გამოყენების პირობები