,,ნაციონალური მოძრაობის" ინფორმაციით, ზემო ფონჭალაში მათ დამკვირვებელს ფიზიკურად გაუსწორდნენ. როგორც ჟურნალისტებთან ,,ნაციონალური მოძრაობის" წევრმა გიორგი ვაშაძემ განაცხადა კრწანისის #26 საარჩევნო უბანში, დამკვირვებელს დაჩი ვარძელაშვილს ფიზიკურად "ქართული ოცნების" ზონდერჯგუფი გაუსწორდა.
,,გასული წლისგან განსხვავებით როცა ოპოზიცია ხელოვნურად ტეხდა აჟიოტაჟს და სკანდალის მოწყობას ცდილობა და ხშირ შემთხვევაში პრობლემების ინსცენირებას ახდენდა. ჩვენ განსხვავებული მიდგომა გვაქვს და ის რომ საარჩევნო გარემო მშვიდია არის ჩვენი ცალსახა კონსტრუქციული მუშაობაში შედეგი რაც დღევანდელ დღეს გამოიხატება. კონკრეტულ დარღვევებს რაც შეეხება კრწანისის # 26 საარჩევნო უბანზე ზემო ფონიჭალაში დამკვირვებელ დაჩი ვარძელაშვილს ფიზიკურად გაუსწორდა ,,ქართული ოცნების" ე.წ. ზონდერჯგუფი რომელსაც ზაზა ოქიაშვილი ხელმძღვანელობდა. მინდა მივმართოთ სამართალდმაცავ ორგანოებს რეაგირება მოხადინონ ", _განაცხადა ვაშაძემ.
ვაშაძემ საარჩევნო პროცესი დროს რეგიონში არსებულ დარღვევებზეც ისაუბრა. როგორც პარტიის ოფისში გამართულ პრესკონფერენციაზე ვაშაძემ განმარტა გორის რაიონის სოფელ კირბალში, "ქართული ოცნების" კოორდინატორები მერი აბალაკი და მარიამ დოთიაშვილი, ამომრჩევლებს ეუბნებოდონენ, რომ თუკი მხარს "ქართულ ოცნებას" დაუჭერენ 200-ლარიან დახმარებას მიიღებდნენ.
მისივე განმარტებით, მარნეულის #41 უბანზე კომისიის წევრმა საარჩევნო ურნაში ორი ბიულეტენი ჩააგდო. ამავე ოლქში, ვაშაძის თქმით, #40 უბანზე დაფიქსირებულია წინასწარ შემოხაზული ბიულეტენები.