"ხალხის პარტიის" ლიდერის, პრეზდენტობის კანდიდატის კობა დავითაშვილის განცხადებით, იმ შემთხვევაში, თუ იგი ამომრჩეველთა ხმების 3%-ზე ნაკლებს მიიღებს, პოლიტიკიდან წავა და "ხალხის პარტიაც" შეწყვეტს არსებობას.
როგორც დავითაშვილმა ჟურნალისტებთან საუბრისას აღნიშნა, 3%-იანი მხარდაჭერა იქნება ხალხის მანდატი, რომ მან როგორც პოლიტიკოსმა განაგრძოს მოღვაწეობა და თუ მსგავსი მხარდაჭერა არ დაფიქსირდა, "ხალხის პარტიის" არსებობას აზრი ეკარგება.
"ცოტა მეშინია, იმიტომ რომ ჩემს ბედს წყვეტენ პოლიტიკაში. თუ 3%-ს ავიღებ, ეს იქნება ნდობის მანდატი, რომ "ხალხის პარტია" და კობა დავითაშვილი დარჩეს პოლიტიკაში, თუ არ მივიღებ, ეს არ იქნება ნდობის მანდატი და აქედან გამომდინარე, წავალ სახლში ბავშვებთან,"- განაცხადა კობა დავითაშვილმა